Өнөөдөр НИТХ-ын ээлжит бус 7 дугаар чуулган хуралдаж “Аз жаргалтай Улаанбаатар хот”-ын даргын асуудлыг хэлэлцэнэ. Нийслэлийн иргэд бид 365 хоногийн бзтэн 91 хоног буюу 3 сар нийслэлийн Засаг даргагүй явж ирсэн. Хотын даргыг сонгох НИТХ-ын хуралдаан эхэлсэн боловч АН-ын бүлэг нэг цагийн завсарлага аваад байна. Энэ удаагийн сунгаанд НИТХ-ын дарга С.Амарсайхан МАН-аас, НИТХ-ын төлөөлөгч С.Мөнхчулуун заалнаас нэр дэвшиж өрсөлдөнө.
Өмнөх НИТХ-ын хуралдаанаар С.Мөнхчулууныг төлөөлөгчдийн олонхийн саналаар Хотын даргад дэмжсэн ч Ерөнхий сайд У.Хүрэлсүх батламжлаагүй. Мөн намын Удирдах зөвлөлийн шийдвэрийг зөрчсөн гэж С.Мөнхчулууныг МАН-ын Хяналтын хороо авч хэлэлцэж, намаасаа хассан байгаа. Өнөөдрийн хуралдаанаар дэмжигдсэн төлөөлөгчийг Ерөнхий сайд У.Хүрэлсүх ажлын тав хоногт батламжлах хуулийн зохицуулалттай юм.
