Манай улсын уул уурхайн экспортын гол нэрийн бүтээгдэхүүн, эдийн засгийн томоохон хөшүүрэг болох Тавантолгойн уурхайн үйл ажиллагаа, уурхайд түшиглэсэн "Шинэ төмөр зам" төслийн бүтээн байгуулалт, Таван толгойн уурхайгаас Гашуунсухайтын боомт хүртэлх авто замын ашиглалт, тээвэрлэлтийн явцтай танилцаж, Гашуунсухайт, Цагаанхадны боомтуудын нэвтрэх чадварыг сайжруулах талаар холбогдох удирдлагуудтай уулзалт хийлээ. Засгийн газрын үйл ажиллагааны хөтөлбөрийг сурталчилж, авч хэрэгжүүлж буй арга хэмжээний талаар орон нутгийн иргэдэд танилцууллаа.
Мөн тээвэрчдийн нөхцөл байдалтай танилцаж, цаашид тээвэрчдийн нийгмийн асуудал, аюулгүй ажиллагааг сайжруулах тал дээр анхаарч ажиллахаа илэрхийлэв.
Ажлын хэсгийн бүрэлдэхүүнд Зам, Тээврийн хөгжлийн яамны газар хэлтсийн удирдлагууд, харьяа агентлаг болон Байгаль Орчны Яам, Тагнуулын Ерөнхий Газар, Хил Хамгаалах Ерөнхий Газар ХЦА, Гаалийн Ерөнхий Газар, Авто Тээврийн Үндэсний Төв ТӨҮГ, Мэргэжлийн Хяналтын Ерөнхий газар, Монголын Төмөр Зам ТӨХК, Замын Цагдаагийн Газрын ТЦА-ны холбогдох төлөөлөгчид ажилласан юм.
