Цагдаагийн ерөнхий газар алба хаагч, ахмадуудынхаа эрүүл мэндийг хамгаалах, алжаал тайлах, нөхөн сэргээх, тойрон аялах нөхцөл бүрдүүлэхээр Цагдаа, дотоодын цэргийн алба хаагчдын нөхөн сэргээх “Сүүж-Уул” амралт, сувиллын “Цагаан шонхор” нэртэй шинэ салбараа Хөвсгөл аймгийн Алаг-Эрдэнэ сумын нутаг дахь Жанхайн аманд Хөвсгөл далайн хөвөөнд нээсэн байна.
Нээлтийн үеэр дээрх амралтын газарт Цагдаагийн ерөнхий газар, Замын цагдаагийн газар, Хөвсгөл, Завхан, Дорноговь, Сүхбаатар аймаг, Сэлэнгэ аймгийн Мандал сум дахь цагдаагийн газар, хэлтсийн алба хаагч, ахмадууд, тэдний гэр бүлийн төлөөлөл 90 гаруй хүмүүс амарч, байгалийн үзэсгэлэнт Хөвсгөл далайн орчмоор тойрон аялал хийжээ.