“Мехико-1968” олимпийн наадмын хүрэл медальт, 1973 оны Азийн аварга, Увс аймгийн Тэс сумын харьяат, Монгол Улсын гавьяат тамирчин, улсын начин Төмөрийн Артаг агсны нэрэмжит чөлөөт бөхийн “Олимпийн найдвар” өсвөр үеийн олон хотын тэмцээн тавдугаар сарын 10-12-нд Увс аймгийн Биеийн тамир спортын хорооны зааланд болно. Увс аймгийн Засаг даргын ивээл дор зохион байгуулагдах тэмцээнд 2001 оноос хойш төрсөн тамирчин хөвгүүдийн 13, охидын 11 жинд өрсөлдөх юм.