Монголын өсвөрийн шигшээ баг 2020 оны Азийн 16 хүртэлх насны АШТ-ий урьдчилсан шатны, зүүн бүсийн "H" хэсэгт тоглохоор боллоо. Сугалааны үйл ажиллагаа өнөөдөр Малайзын нийслэл Куала Лумпурт болсон бөгөөд Монголын 16 насны шигшээ "H" хэсэгт Австрали, Вьетнам, Зүүн Тимор, Макаогийн багуудтай өрсөлдөнө. Урьдчилсан шатны тэмцээн 09-р сарын 14-22-ны хооронд Вьетнам улсын нийслэл Ханой хотод болно.

Өнөөдөр Монголын Хөлбөмбөгийн Холбооны "Элит академи" нээлтээ хийж, 16 хүртэлх насны шигшээ багт тоглох боломжтой чадварлаг хөвгүүд бэлтгэлдээ гарлаа. Өөрөөр хэлбэл "Элит академи"-ийн суралцагчдаас сонгогдсон тоглогчид 16, 19 насны шигшээ багийн гол цөм болно.