Жил бүрийн долдугаар сараас есдүгээр сарын хугацаанд гадаад паспорт шинээр авах, сунгах хүмүүсийн  хөлд дарагддаг. Энэ жилийн тухайд өмнөх жилүүдийнхээс илүү ачаалалтай байгаа аж. УБЕГ-т өнөөдрийн байдлаар өдөртөө нийт 2000 гаруй иргэн хандаж байгаагийн шинээр гадаад паспорт авах иргэн 1500 орчим, сунгалт хийлгэхээр 500 орчим иргэн үйлчлүүлж байна. Энэ нь энгийн үетэй харьцуулбал үйлчилгээний ачаалал 3-4 дахин нэмэгдээд байгаа аж. УБЕГ-аас ачааллыг нийт 10 цонхоор иргэдэд үйлчилж,  зарим дүүргээс ажилтан нэмж ажилуулах зэрэг зохион байгуулалтын арга хэмжээ авч ажиллаж эхэллээ.