УИХ-ын гишүүн Х.Баттулга Баянхонгор аймгийн төвийн таван өрхийн эмнэлэгт тус бүрт нь эхо аппарат гардууллаа. Мөн тус аймгийн бүх сумдад 48-60  сая төгрөгийн өртөгтэй эмнэлгийн тоног төхөөрөмж өгсөн юм. Ингэснээр сумын иргэд аймгийн төв рүү орох шаардлагагүй, сумандаа оношлуулаад эмчлүүлэх боломжтой болж байгаа юм.



Энэхүү эмнэлгийн тоног төхөөрөмжүүдийг УИХ-ын гишүүн Х.Баттулга тойрогтоо зарцуулах нэг тэрбум төгрөгөөсөө өгч байгаа аж. Нийтдээ Баянхонгор аймгийн 16 суманд нийт нэг тэрбум 900 саяын өртөгтэй эмнэлгийн тоног төхөөрөмж өгчээ. ЭХО аппаратын хувьд тус бүр нь 8 сая 400 мянган төгрөгийн үнэтэй юм байна. Эхо аппарат болон оношилгоо шинжилгээний эдгээр тоног төхөөрөмжүүдийн сумын эмнэлэгт ашигласнаар халдварт бус өвчнийг эрт илрүүлж эмчлэх боломжтой болж байгаа юм. Шээсний цусны биохимийн шинжилгээ хийх боломжтой боллоо. Баянхонгор аймгийн хэмжээнд нийт эмч сувилагчдын 30 хувь нь тоног төхөөрөмж дээрээ ажиллах сургалтанд хамрагджээ.