Нэрт дуучин Мадоннаг оросын Санкт-Петербург хотод тоглосны дараа Оросын олон нийтийн зүтгэлтнүүд түүнээс сэтгэл санааны хохирлын төлбөр хэмээн 333 сая рубль нэхэмжилж шүүхэд өгчээ.
Тэд  Санкт-Петербургийн  Москвагийн районы шүүхэд өгөх  өргөдөлдөө “ Дуучин Мадонно үзэгчдийн нь дунд хүүхдүүд байхад гомосексуализмыг сурталчилж шүтэн бишрэгчдээ гутаасан. Үүнийг манай хотод хориглодог. Бид бол өөрийн гэсэн итгэл үнэмшилтэй соёлт хүмүүс” гэжээ. Өргөдлийг оросын иргэдийн үйлдвэрчний эвлэл, “Шинэ аугаа Орос” нам, “Ардын сүм” зэрэг олон байгууллагын идэвхтнүүдийн төлөөлөл, санаачлагчид гаргажээ. Дуучин болон түүний концертыг зохион байгуулагчдаас олон нийтэд сэтгэл санааны хохирол учруулсны төлөө гаргуулах энэ төлбөрийн 50 хувийг Петербург хотын төсөвт оруулж, үлдэх хувийг нь гэр бүл хүүхэд, эхчүүдийг дэмжихэд  болон иргэдийг гомосексуализм, садар самуунаас сэргийлэх сурталчилгаанд ашиглана гэсэн байна.
Мадонна наймдугаар сарын 9-нд Санкт –Петербург хотод тоглох үеэрээ ЛГБТ буюу лесби, гей, бисекс, трансгендерийн хөдөлгөөнийг  дэмжиж байгаагаа илэрхийлчихсэн юм байна.