Хүйтний ам наашилж хөхүүрийн ам цаашиллаа. Энэ үед нийслэлчүүдийн шүдний өвчин болсон агаарын бохирдол бидний санааг зовоож эхэлнэ.  Иймээс агаарын бохирдлыг буруулахын тулд  “Утаагүй зуух” төслийг дахин хэрэгжүүлэхээр болжээ.  Гэхдээ нийслэлийн Агаарын чанарын албанаас тендер зарлаж, усан халаалттай канад зуухыг нийлүүлэх аж. Энэхүү зуух нь турк зуухнаас 30-50 метр талбайг илүү халаах хүчин чадалтай бөгөөд хязгаарлалтын шинэ бүсэд багтсан бүх хороонд дээрх зуухыг авсан өрхийн цахилгааны төлбөрийг оройн 18 цагаас өглөө 09 цаг хүртэл  50 хувь хөнгөлөх юм байна.  Харин одоогоор зуухыг хэдэн төгрөгөөр борлуулахыг хараахан шийдээгүй байгаа аж.