“Тариалан эрхлэлтийг дэмжих сан”-гаас жил бүрийн намар тариаланчдад шатахууны хөнгөлөлт үзүүлсээр ирсэн нь томоохон дэмжлэг болдог байсан. Гэтэл энэ жилийн хувьд тариаланчдад шатахууны хөнгөлөлт олгохгүй гэдгийг ХХААХҮЯ-наас мэдэгдлээ. ХХААХҮЯ-ны Газар тариалангийн бодлогын хэрэгжилтийг зохицуулах газрын дарга Л.Баяртулга “Тариалан эрхлэлтийг дэмжих сан” дангаараа нуруун дээрээ үүрэх хүндрэлтэй. Өнгөрсөн жилүүдэд хөнгөлөлтийг хариуцаж байсан ч зарим тохиолдолд буцаан төлөлт байхгүй, сангийн будааны борлуулалт муу байсан зэргээс шалтгаалаад шатахуун импортолдог компаниудад төлбөрийг нь цаг хугацаанд нь өгч чадаагүй. Үүнээс болж дахин шатахуун авахад хүндрэлтэй болсон” гэв.