Нийслэлийн иргэдийн бухимдлыг хамгийн ихээр төрүүлдэг асуудал бол замын бөглөрөл, түгжээ. Иймд дээрх асуудлыг хэрхэн шийдэх талаар НИТХ-ын Тэргүүлэгчид хуралдаж  автозамын ачааллыг зохицуулахын тулд автомашины улсын дугаарын сүүлийн орны цифрээр ялган  ажлын өдрүүдэд 07.00-20.00 цагийн хооронд замын хөдөлгөөнд оролцуулахыг хориглох санал гаргасан байна. Ингэхдээ замын хөдөлгөөний гол ачаалалтай хэсэг болох Их тойруу дотор, Нарны замаас хойшхи хэсэгт байхаар албаны хүмүүс санал оруулж ирж байв.  Энэ утгаараа Их тойруу дотор замын ачаалал 20 хувь буурна гэсэн судалгааг гаргасан байна.