Улаанбаатар хотыг бие даалгая гэсэн санал өнгөрсөн жил олонтаа гарч байсан. Учир нь, хот олсон орлогоо улсад бүтэн тушаагаад өглөгч хүн өөртөө хоосон гэгчээр юу ч үгүй хоцордог. Төсвөө бүрэн захиран зарцуулах эрхгүйгээс хотод зам, барилга, гэрэлтүүлэг, тохижилт  гэх мэт ажил хийх болохоор эргээд улсаасаа мөнгө гуйж, цаг алддаг. Тиймээс төсвөө өөрөө захиран зарцуулдаг эрхтэй байя хэмээн хотын Засаг дарга асан Г.Мөнхбаяр Засгийн газарт санал ч хүргүүлж байсан. Харин эл асуудлыг хотын шинэ мэр шийдэх болов уу. Уг нь, барилга, газар, зам гээд дэд бүтцийн томоохон асуудлыг ирэх дөрвөн жилд шийднэ хэмээн зорилго тавьсан Э. Бат-үүл даргад нэн даруй шийдвэрлэх ёстой асуудал ч байж мэдэх л юм.