Энэ жил бороо хуртай байгаагаас авто замын ажил хойшилсон хэмээн нийслэлийн Авто замын газрынхан мэдэгдэж байсан. Тиймээс цаг хугацаа алдсан учраас хичээлийн шинэ жилтэй зэрэгцэн 17 авто зам засварт орно гэсэн мэдээлэл гараад буй. Энэ талаар тус газрын хэвлэлийн төлөөлөгч н.Оюунгэрэлээс тодруулахад ”Тийм зүйл байхгүй ээ. Зам хааж, засвар их бол ЗЦГ, ННТГ-аас зөвшөөрөл авч байж засч, шинэчилдэг. Тэгэхдээ зам хаахаас 3-5 хоногийн өмнө тодорхой болдог. 17 замыг нэгэн зэрэг хаана гэвэл хотын түгжрэл ихэснэ шүү дээ. Үндэслэлгүй мэдээлэл байна” гэлээ.