Барилга, хот байгуулалтын сайд Ц.Баярсайхан өнөөдөр салбарынхаа ажилтай танилцлаа. Тэрээр эхлээд Барилга геодези зураг зүйн газрын ажилтай танилцсан бөгөөд үүний дараа Орон сууц санхүүжилтын корпорацын үйл ажиллагааг сонирхов. Энэ үеэр тэрээр “Иргэдээ орон сууцжуулахын тулд Засгийн газраас төрөл бүрийн арга хэмжээ авна. Түүний нэг нь орон сууцны банк, сан байгуулах ажил байх болно”  хэмээн ярьсан юм.