ЗЦГ-аас гаргасан судалгаагаар авто замын ослын тоо огцом нэмэгдэж байгаа гэнэ. Ур чадвар муутай жолооч нарын тоо нэмэгдсэнээс явган зорчигч амиа алдах тохиолдол нэмэгдэж байгаа аж. Тухайлбал, улсын хэмжээнд өнгөрсөн жил 962 авто осол бүртгэгдсэн бол 2011 онд 1100 болон нэмэгдсэн байна. Ослын улмаас 79 хүн нас барж, 370 гаруй хүн тахир дутуу болсон хэмээн бүртгэгджээ. Тиймээс ЗЦГ-аас жолооны курсыг чанаржуулах, замын хөдөлгөөний дүрмийг зөрчсөн тохиолдолд торгуулийн хэмжээг нэмэгдүүлэх талаар ажиллаж байгаа гэлээ.