Казахстаны нийслэл Астана хотын нэгэн иргэний амийг бүрэлгэсэн хэрэгт сэжиглэн Монгол улсын харьяат хоёр иргэнийг өчигдөр Казахстанд саатууллаа гэж тус улсын ДЯЯ-ны албан ёсны төлөөлөгч Нурдильда Ораз мэдэгдсэн байна. “Астана хотын цагдаагийнхан 35 настай иргэн энэ наймдугаар сарын эхээр  сураггүй алга болсон хэргийг шалгаад монголын иргэн 23 настай хоёр залууг саатууллаа” гэж Ораз хэвлэлийн бага хурал дээр мэдэгжээ. Түүний хэлснээр бол “Мерседес” машиныг нь авахын тулд хохирогчийг зайдуу байрандаа урьж  боож  алаад цогцосыг нь хотоос гаргаж  хаясан байна. “Шалгалтын явцад Аршалины районы Херсоновка тосгоноос 10 км газраас цогцосыг нь олсон” гэж Ораз мэдэгдсэн байна хэмээн Новости-Казахстан сайт мэдээлжээ.