Даваа гаригаас эхлэн Нийслэлийн Засаг даргын захирамж хэрэгжих эсэхэд хяналт тавихын тулд ЗЦГ бүрэн бүрэлдэхүүнээр ажиллах юм байна. Хориглосон дугаартай автомашинууд замын хөдөлгөөнд оролцох юм бол газар дээр нь зогсоож хөдөлгөөнд оролцуулахгүйгээр торгууль ногдуулах юм байна. Уулзваруудад байрлуулсан камераар давхар хяналт тавихаас гадна  ЗЦГ-аас 150 туслах ажилтан авч ажиллуулахаар болжээ. Туслах ажилтнуудын цалин, хувцас хэрэглэлд зориулах мөнгө төгрөгийг шийдэж их, дээд сургууль төгссөн 25 хүртэлх насны залуусыг ЗЦГ-т бүртгэж эхэлжээ.