Сүхбаатарын гудамжны хоёр км авто замын шинэчлэлтийн ажлыг "Наранбулаг Хан" компани Хөгжлийн банкны санхүүжилтээр гүйцэтгэж, нийт замын хучилтын ажлыг хийж дуусгав. Төв шуудангийн зүүн урд уулзвараас Их тойруу, Ногоон нуурын гудамж хүртэлх энэ замд инженерийн шугам сүлжээний шинэчлэлт, борооны ус зайлуулах шугамын ажил, Байгалийн түүхийн музейн баруун уулзварын өргөтгөлийн ажлууд хийгдсэн аж. Явган хүний зам, гэрэлтүүлгийн ажлыг гүйцэтгэн арваннэгдүгээр сарын 10-нд хүлээлгэж өгөх юм байна.