Улсын онцгой комиссын 07 дугаар сарын 28-ны өдөр болсон хуралдааны шийдвэрээр өндөржүүлсэн бэлэн байдлын зэргийг 2020 оны 08 дугаар сарын 31-нийг дуустал сунгасан. Тэгвэл өнөөдөр болсон УОК-ын ээлжит хуралдаанаар дээрх хугацааг есдүгээр сарын 15-ны өдрийг дуустал сунгах санал гаргаж,  УОК-ын гишүүд  ч дэмжсэн байна. Энэхүү шийдвэрийг Засгийн газрын хуралдаанд оруулж байгаа бөгөөд удахгүй нэгдсэн мэдээлэл өгөх нь. Гадны улс орнууд өвчлөл буурахгүй байгаа шалтгааныг хөл хорионы дэглэмийг бууруулсан, иргэд буруу, ташаа мэдээлэлд автаж анхаарал нь суларсан, амны хаалт зүүхээ больсон зэрэгтэй холбон тайлбарлаж буй билээ.