2020 оны наймдугаар сарын 27-нд ХӨСҮТ-ийн хоёр, Дархан-Уул аймгийн вирус судлалын лабораторид нийт 471 хүнд шинжилгээ хийхэд коронавирус илрээгүй. Үүнд: наймдугаар сарын 27-нд Франкфурт-Улаанбаатар онгоцоор ирсэн 259 хүн, Алтанбулагийн боомтоор ирсэн 19 жолооч, гадны улс оронд явах хүсэлт гаргасан 13 хүн, тусгаарлах ажиглах байранд ажиллаж байгаа 19 эмч ажилчид, тандалтын зорилгоор цуглуулсан 5 хүн, Сэлэнгэ аймагт тусгаарлагдсан 68 хүний давтан, Дархан-Уул аймагт тусгаарлагдсан 64 хүний давтан, ХӨСҮТ-д тусгаарлагдсан нэг хүний давтан, сувиллын ажиглалтад байгаа 14 хүний давтан, тусгаарлан ажиглах байранд байгаа 9 хүний давтан шинжилгээ багтав.
Өнөөдрийн байдлаар Монгол улсад зөөвөрлөгдөн орж ирж батлагдсан 301 тохиолдол байгаагаас 291 буюу 96,6 хувь нь эдгэрсэн. Эдгэрсэн хүмүүсээс сувиллын ажиглалтад 33, гэрийн ажиглалтад 35, тандалт судалгаа ажиглалт дууссан 223 хүн байна. ХӨСҮТ-ийн клиникт 10 хүн эмчлэгдэж байгаагаас нэг хүний биеийн байдал хүнд байна.
