Маргааш Хөдөө аж ахуйн их сургуулийн Мал аж ахуйн хүрээлэн, Үйлдвэр, хөдөө аж ахуйн яамтай хамтран “Бэлчээр ашиглалтыг сайжруулах арга зам” эрдэм шинжилгээний бага хурлыг зохион байгуулах гэж байна. Тус хурлаар бэлчээр, түүний эргэн тойрон дахь тулгамдсан асуудлын талаар, тус салбарын эрдэмтэн, мэргэжилтнүүд илтгэл хэлэлцүүлж, бэлчээрийн тухай хууль батлуулах тухай УИХ болон шинэ Засгийн газарт санал хүргүүлэх ажээ. Бага хурал Мал аж ахуйн хүрээлэнгийн хурлын танхимд 10 цагт болох юм байна.