Их Британийн Ноттингемшир хотын иргэн есөн сартай жирэмсэн Хелли гэртээ таван настай хүү Жобитойгоо  хамт байж байтал гэнэт хүчтэй өвдөөд ус нь гарчихсан байна. Түргэн тусламж дуудсан боловч үнэхээр ирж амжаагүй байтал нь хүүхэд нь гарчихжээ. Тэгээд хартал хүүхэд нь хэсэг хугацаанд амьсгалахгүй байжээ. Хеллид өөрт нь үнэндээ хүүхдийнхээ хүйг таслах ямар ч чадал байсангүй. Тэгтэл таван настай Жоби хүү нь гал тогоонд гүйж очин хутга авчирч ээжийнхээ заасны дагуу дүүгийнхээ хүзүүг ороосон хүйг нь огтолжээ.
Түргэн  тусламжаар ирсэн  эх баригчид  хүүхдийн хүйг хэдхэн минутын хойно л тасалсан бол тэр амьдарч чадахгүй байсан гэжээ. Аз жаргалтай ээж “Миний хүү бол жинхэнэ баатар эр” гэжээ.