Нийслэлийн замын сангийн найман тэрбум 314.9 сая төгрөгийн хөрөнгө оруулалтаар төвийн зургаан дүүргийн орон сууцны хороолол доторх 27.26 км авто замыг шинэчилж байна. Нийт 18 багц ажил гүйцэтгэхээс 16-г нь бүрэн гүйцэтгэжээ. Үлдсэн хоёр ажил болох Баянзүрх дүүргийн гуравдугаар хороо, Ану-Үжин зочид буудлаас хойш “Нимм” аудит, 33 дугаар сургуулийн урд талаас Сансарын туслах зам руу холбох 0.53 км авто замын хучилтын ажлыг “Баткубик” ХХК өчигдөр хийж дуусчээ. Харин Сүхбаатар дүүргийн долдугаар хороо, Их тойруугийн замаас 7б байрны урд зам хүртэлх 0.24 км авто замын шинэчлэлийн ажил дулааны шугамын шинэчлэлийн ажлаас шалтгаалан хүлээгджээ.