Хүн ам орон сууцны тооллогоор Улаанбаатар хотын нийт өрхийн 29 хувь нь гэрт, 69,6 хувь нь байшинд, 1,4 хувь нь бусад төрлийн сууцанд амьдарч байна. Байшинд амьдардаг өрхийн хувь өмнөх тооллогын үеийнхээс 7,7 пунктээр буурсан бол гэрт амьдардаг өрхийнх 7,2 пунктээр нэмэгджээ. Энэ нь, гол төлөв хөдөөнөөс шилжин ирэгсэд гэр хороололд суурьшиж байгаатай холбоотой гэнэ.  Дашрамд, улсын хэмжээнд нийт өрхийн 13,3 хувь буюу 94,8 мянган өрх өөрийн гэсэн сууцгүй байна. Эдгээрээс 55,2 мянга нь хотод амьдарч буй өрх аж.