Билгийн

Доллар (USD)

Улаанбаатар

“Executive summit 2020” виртаул сургалт-хэлэлцүүлэг эхэллээ

 

Байгууллагын гүйцэтгэх удирдлага, дунд шатны менежерүүд, гарааны бизнес эрхлэгчдэд зориулсан “1000 CEO, 1000 хүчирхэг компани” бизнесийг дэмжих төслийн хүрээнд “Executive summit 2020 виртаул сургалт-хэлэлцүүлэг өнөөдөр эхэлнэ.

Харвардын Бизнесийн сургуулийн хөтөлбөрийг албан ёсны эрхтэйгээр хүргэх ажлын эхлэл энэхүү арга хэмжээг МҮХАҮТ-ын дэргэдэх “Бизнес академи” санаачлан зохион байгуулж байна. “Зогсолтгүй хөгж, Сорилтыг удирд” уриатай энэхүү сургалт-хэлэлцүүлэгт Монголын бизнесийн салбарын нөлөө бүхий эрхмүүд уригдан оролцож байна.  Дэлхий нийтийг хамарсан цар тахлын нөхцөл байдал бизнесийн салбарт эрс өөрчлөлт хийх, хүнд нөхцөл байдлыг хохирол багатайгаар даван туулах, шинэ шийдэл санал болгоход хүргэж буй. Бизнес зогсонги байдалд орсон, нөхцөл байдал тодорхойгүй энэ цаг үед хэрхэн хохирол багатай даван туулах, бизнесээ шинэ хэлбэрээр зохион байгуулах зэрэг асуудлыг хэлэлцүүлгээр голлох юм.

Хэлэлцүүлэг Хамтран ажиллах давуу талыг бий болгох нь, Талент удирдахад давуу талыг ашиглах нь, Инновац дижитал шилжилтэд  давамгайлах нь зэрэг сэдвийн хүрээнд 2 өдөр үргэлжилнэ.

Харвардын менежментийн курсын хөтөлбөрийг МҮХАҮТ-ын дэргэдэх “Бизнес академи” албан ёсны эрхтэйгээр Монголд нэвтрүүлж байгаа. Тодруулбал, Харвард Бизнес сургуулийн Паблишингийн менежрүүд болон гүйцэтгэх удирдлагын манлайллын холимог хөтөлбөр хэрэгжүүлэх гэрээнд МҮХАҮТ-ын ерөнхийлөгч О.Амартүвшин, Харвард Бизнес сургуулийн паблишингийн дэд ерөнхийлөгч Николас Грант Клэйтон болон Ази Номхон Далайн орнууд хариусан захирал Пердип Кумар нар гарын үсэг зурсан юм. Гэрээний хүрээнд Танхимын гишүүн байгууллага, аж ахуйн нэгжүүдийн захирлууд, удирдах албан тушаалтнуудад манлайллын сургалтын хөтөлбөрийг үе шаттай хэрэгжүүлэх боломж ийнхүү нээгдэж байна.  Эхний сургалтын хөтөлбөр ирэх оны нэгдүгээр сард эхэлнэ.

0 Сэтгэгдэл
Хамгийн их уншсан