Өндөр настан болон хөгжлийн бэрхшээлтэй иргэдэд олгох нэг сая төгрөгийг өмнөх Засгийн газар энэ оны зургадугаар сард багтаан олгоно гэж байсан ч УИХ-ын сонгуулиас өмнө олгож амжаагүй. Сангийн сайд асан Хаянхярваа гурван аймагт 980 мянган төгрөг олгоод үлдсэн аймгуудад нь олгох хөрөнгө байхгүй гэсэн шалтгаанаар хойшлуулаад хүлээлт үүсгэсэн. Харин шинэ засгийн газар энэ мөнгийг олгохын тулд 2012 оны төсвийн тодотголд суулгахаар болж, төсөлд багтаажээ. Ингэхийн  тулд архи, тамхины татварыг нэмэгдүүлэх шаадлагатай байгаа учраас Сангийн яамнаас ажлын хэсэг гарч ажиллаж байгаа юм байна. Ардчилсан намын зүгээс ч мөн үүнд анхаарал тавьж ажиллахыг Сангийн яаманд үүрэгдсэн бөгөөд энэ ондоо багтааж олгох гэнэ.