Баянгол дүүргийн нутаг Саппорогийн тойргын ард талд барилгын кран ачиж явсан машин зургаан настай хүүхдийг дайрч амь насыг нь егүүтгэжээ. Тус машиныг хятад жолооч барьж явсан байна. Энэ талаар Баянгол дүүргийн Замын цагдаагийн ахлах байцаагч Сүхболдоос тодруулахад, “Ийм хэрэг болсон. Одоо замыг нь хааж хэмжилт хийж байна. Мөн Онцгой байдлын албаныхан ирж краныг нь зайлуулах арга хэмжээ авч байна” гэснээс өөр мэдээлэл өгсөнгүй.