УИХ-д МАН бүлгээ албан ёсоор байгуулаагүй байгаа. Гэвч УИХ-ын гишүүн Н.Энхболд тэргүүтнүүд “Бид Үндсэн хуулиараа намынхаа бүлгийг бий байгуулсан. Бидний дуу хоолойг сонсох хэрэгтэй” гэхчлэн гомдоллож яваа. Харин энэ байдлаас болж МАН хуучин генсек, УИХ-ын  гишүүн У.Хүрэлсүх намынхаа ахмад, тэр дундаа хууль зүйн ухааны докторуудаа загнасан гэнэ. Эх сурвалжийн хэлснээр бол У.Хүрэлсүх УИХ-ын гишүүн Д.Лүндээжанцан, Ц.Нямдорж, Н.Энхболд тэргүүтнийг загнасан гэнэ шүү. Тэрээр, “УИХ-ын тухай хуульд 24 цагийн дотор намын бүлэг байгуулах хүсэлтээ албан ёсоор бичгээр өгнө гэж цагаан дээр хараар бичсэн байхад үхсэнээ харж байсан юм. Та нарын хууль зүйн ухааны доктор гээд байсан чинь хаа байна” гэж толгой түрүүгүй загнасан гэнэ шүү.