УИХ-ын сонгуульд Увс аймагт МАХН-МҮАН-ын “Шударга ёс” эвслээс нэр дэвшиж ялагдал хүлээсэн МУГЖ, дуучин С.Жавхлан сүүлийн үед “ичээн”-дээ оржээ. Түүнийг хаана, юу хийж яваа бол гэх хүн цөөнгүй байна. Тэгвэл эрхэм дуучин, улстөрч маань Яруу найрагч Ц.Хулангийн хэлсэнчлэн Зүлгэн дээр гэрээ бариад зүгээр л нэг амьдарч яваа гэнэ шүү. Тэрээр сонгуулиарс хойш Архангай аймагт хадмынхаа хаяанд Увсын найман ханатай том гэрээ барьж амьдарч байгаа аж. Гэхдээ зүгээр ч нэг амьдрах бус яг л монгол зан заншлаараа амьдарч байгаа нь олны анхаарлыг татжээ. Эхнэр Эрдэнэчимэг нь эртний монгол хатдын адил дээл, хувцас өмсчихсөн айраг бүлээд зогсож байх юм гэнэ.
Сонгуульд ялагдсаныхаа дараа “Би дахиад улс төрөөр оролдохгүй. Зүгээр л дуугаа дуулаад явъя” гэж андгай тангараг өргөсөн гэх дуучин С.Жавхлан одоохондоо уран бүтээл бус өөрийгөө иймэрхүү байдлаар амрааж байгаа гэнэ шүү.