Төв цэнгэлдэх хүрээлэнгийн дэргэд “Хурд” группийн захиалгаар барьж байгаа “Рапид харш” орон сууцны барилгад уржигдар /баасан гарагт/ 18.00 цагийн үед осол гарч хүний амь нас эрсэдсэн харамсалтай хэрэг гарлаа. Барилгын материал өргөж байсан краны оройн хэсэг нь хугарч, 26 настай краны жолооч С-ийн дээр унаж амь насаа алдсан. Мөн барилга дээр ажиллаж байсан хоёр ч хүн хүнд гэтмсэн байна. Үүнээс үүдэж өчигдөр буюу бямба гарагт Нийслэлийн Засаг даргын зөвлөл хуралдсан юм. Нийслэлийн Засаг дарга Э.Бат-Үүл сүүлийн үед барилгын компаниуд болон холбогдох албаны хүмүүсийн хариуцлагагүй үйл ажиллагаанаас болж хүний амь эрсдэж буйг хууль хяналтын байгууллага шалгаж тогтоосны эцэст хариуцлага хүлээх ёстой хэмээн үзжээ. Ингээд түүний гаргасан мэдэгдлийг бүрэн эхээр нь хүргэе.