Цагдаагийн ерөнхий газрын дарга Б.Билэгт, Захиргааны удирдлагын газрын дарга, цагдаагийн хурандаа Д.Адьяабазар, Нийслэлийн цагдаагийн газрын дарга, цагдаагийн хурандаа Д.Батжаргал нар амралтын өдрүүдэд цагдаагийнхны ажилтай танилцлаа. Ингэхдээ тэд гэмт хэрэг, хэв журмын зөрчил ихээр гардаг Сонгино-Хайрхан, Баянзүрх, Сүхбаатар дүүргийн захын гэр хороололд цагдаагийн ажил үйлчилгээг иргэдэд үзүүлж байгаа Баянхошуу, Дамбадаржаа, Шар хадны цагдаагийн тасаг, Албадан саатуулах баривчлах төв, Хөдөлгөөнт эргүүлийн газрын машинт эргүүлийн зарим чиглэл, дотоодын цэргийн хамгаалалттай Хайлааст дахь усан сан, Баянзүрх дүүргийн цагдаагийн хэлтэс, эрүүлжүүлэх байрны ажилтай танилцсан байна.
Цагдаагийн ерөнхий газрын дарга ажил үүрэг гүйцэтгэхэд учирч байгаа бэрхшээл, ажлын нөхцөл, хангалт, ахуй амьдралынх нь талаар албан хаагчидтай ярилцаж, санал хүсэлтийг нь сонсч, үүрэг чиглэл өгчээ.