Шударга өрсөлдөөн хэрэглэгчийн төлөө газрын дарга Б.Бат-Эрдэнэ "Шатахуун импортлогч, үйлдвэрлэгч 26 компанид торгуулийн арга хэмжээ авна. Шатахууны чанарын доголдол, стандарт шаардлагыг удаа зөрчсөн зарим аж ахуйн нэгжүүдийн тусгай зөвшөөрлийг цуцлуулах саналыг Шударга өрсөлдөөн, хэрэглэгчийн төлөө газраас Уул уурхай хүнд үйлдвэрийн яам болон Ашигт малтмал, газрын тосны газарт хүргүүлнэ. 2021.07.20- ны өдөр шатахуун чанар, стандарт шалгалтын дүнг олон нийтэд мэдээлнэ" хэмээн цахим хуудсаараа дамжуулан мэдээллээ.