Баянзүрх дүүргийн иргэд орчны ариун цэврийг сайжруулах зорилгоор  “Хогондоо" аяныг өнөөдрөөс эхлэн ирэх оны нэгдүгээр сарын 30-ныг хүртэл зохион байгуулах гэж байна.  Өнөөдөр Баянзүрх дүүргийн Засаг даргын тамгын газрын үүдэнд аяны нээлтийг хийлээ. Нээлтийн ажиллагааны үеэр дүүргийн Засаг дарга Б.Батзориг  иргэдээ  хоггүй дүүрэг зорилтын хүрээнд аяндаа идэвхтэй оролцохыг уриаллаа. Өнөөдөр Засаг даргын Тамгын газар болон сургууль цэцэрлэгийн багш ажилчид  Арслантай гүүрнээс Улиастай, Нарны зам, Дамдинсүрэнгийн гудамж, Зуун айлын  зам зэрэг 21 байршилд их цэвэрлэгээ зохион байгуулж 125 тонн хог ачиж тээвэрлэлээ.