Ховд аймгийн Буянт сумын харьяат, Зэвсэгт хүчний 123 дугаар ангийн хөгжимчин, ахлах ахлагч Э.Даваажамц Ховдоос 2021 оны зургаадугаар сарын 2-ны өдөр гараанаас гарсан юм. 

Тэрбээр эх орныхоо баруун хязгаараас зүүн хязгаар хүртэл гүйж 2127 км зам туулан 2021 оны долоодугаар сарын 17-ны 16:00 цагт Дорнод аймгийн төв Чойбалсан хотод барианд орлоо. 

Эр хүний зориг зүрх, Монгол цэргийн тэсвэр, хатуужил, омогшил бахархлыг харуулж түүхэн амжилт гаргасан Э.Даваажамц 46 хоногийн турш тасралтгүй гүйсэн юм.