“Эрэл” компани үйлдвэрийнхээ бүрэн хүчин чадлаа ашиглахын тулд энэ жил цахилгаан шүүлтүүр, зуухаа шинэчилжээ. Ингэснээр жилд 100 мянган тн цемент үйлдвэрлэдэг байсан бол 130 мянган тн болох аж. Барилгын материалын үйлдвэрлэл өсч буй болохоор борлуулалт сайн байгаа энэ үед бусад үйлдвэртэй өрсөлдөнө хэмээн тус үйлдвэрийнхэн хэлж байлаа. Тус компани жилдээ 185 мянган тн цемент үйлдвэрлэх хүчин чадалтай. Гэвч өнөөдөр хүчин чадлынхаа 50-55 хувийг л ашигладаг юм байна.