Нийслэлийн Засаг даргын авто замын талаар авч хэрэгжүүлэх зарим арга хэмжээний тухай 559 тоот захирамж гарчээ. Уг захирамжинд зам барилгын ажилд саад учруулж буй талбайг энэ сарын 15-ны дотор албадан чөлөөлж, саадгүй явуулах боломжоор хангахыг хотын ерөнхий менежер Ч.Бат, НМХГ-ын дарга М.Буяндэлгэр, НӨХГ-ын дарга Ш.Төмөрбаатарт үүрэг болгожээ. Түүнчлэн замын өргөтгөлд орсон Зайсангийн зам, Олимпын хорооны урд уулзвараас ХААИС-ийн уулзвар хүртэлх 1,3 км авто зам,  Их тойруу Сансарын туннелийн явган хүний нүхэн гарцын барилгын ажлыг эрчимжүүлэхийг нийслэлийн Авто замын газарт Д.Нанзаддоржид даалгажээ.