Монголын үндэсний худалдаа аж үйлдвэрийн танхим, Монгол нүүрс ассосиациас хамтран “Жишиг үнэ ба Амнат” сэдэвт хэлэлцүүлэг зохион байгуулж, нүүрсний олборлолт, борлуулалт, экспортын үйл ажиллагаа явуулдаг аж ахуйн нэгжүүд оролцлоо.

Хэлэлцүүлгээр Сангийн яам сар тутам зарладаг нүүрсний зах зээлийн жишиг үнийг үндэслэлгүйгээр хэт өндрөөр тогтоосны улмаас нүүрсний олборлолт, борлуулалт, экспортын үйл ажиллагаа явуулдаг аж ахуйн нэгжүүдэд сөргөөр нөлөөлж үйл ажиллагаагаа зогсооход хүрээд байгаа тухай ярилцав. Тиймээс аж ахуйн нэгжүүд хамтран жишиг үнийг бодитоор тооцдог болох тухай Шаардлагыг Сангийн яаманд хүргүүллээ.