ҮХААЯ-ны мэргэжилтнүүдээс бүрдсэн гурван ажлын хэсэг гарч, Төв,  Хөвсгөл, Булган аймгийг зорих гэж байна. Учир нь, Төв аймгийн Угтаал, Цээл, Заамар, Булганы Хутаг-Өндөр, Хөвсгөлийн Тариалан, Сэлэнгийн Хүдэр, Ерөө, Баянхараат суманд буудайны болц харьцангуй удаан болдог. Одоогоор аарцан болцны эхний үед л байгааг мэргэжилтнүүд хэлэв. Тэд энэ бүс нутгийн буудайны болцонд санаа зовж буй гэнэ. Тиймээс эхний ээлжинд Төв аймгийн буудайг мэргэжилтнүүдийн зөвлөснөөр химийн бодис цацаж, өсөлтийг нь зогсоон, хурдан болгох арга хэмжээ авахаар болжээ. Ажлын хэсэгт багтсан мэргэжилтнүүд Хөвсгөл, Төв, Булганы тариаланчдад газар дээр нь очиж зөвлөгөө өгөх гэнэ.