Нийслэлийн Засаг даргын захирамжаар нийслэлийн Онцгой комиссын бүрэлдэхүүнийг шинэчлэн баталлаа. Үүнд, хүч хэрэгслийг нэгтгэн удирдах хэсэг, үер газар хөдлөлтийн үед ажиллах хэсэг, түймэр хүчтэй салхи шуурганы үед ажиллах хэсэг, хүн малын гоц халдварт өвчний үед ажиллах хэсэг гэсэн бүрэлдэхүүн багтаж байгаа юм. Харин комиссын даргаар Улаанбаатар хотын захирагч Э.Бат-Үүл, дэд даргаар нийслэлийн засаг даргын Санхүү, эдийн засаг хариуцсан орлогч Н.Батаа, НОБГ-ын дарга нарыг томилсон бөгөөд бусад 21 албаны даргыг гишүүнээр нь баталжээ.