Нийслэлийн төвд баригдаж байгаа “Blue sky” цамхгийн ажил гүйцэтгэж байгаа компанийн удирдлага монгол ажилчдаа зодоод байна гэсэн мэдээллийн дагуу очсон “ТВ-8” телевизийн “Ард түмний толь” хөтөлбөрийн сурвалжлагч Ж.Минжинг хамгаалалтын ажилтнууд нь зодож танхайрчээ. Оператораар нь зураг авхуулахгүй байсан тул сурвалжлагч өөрийнхөө гар утсаар бичлэг хийж байтал гар утсыг нь авахын тулд толгойтой үснээс нь зулгааж зодсон байна. Сурвалжлагч одоо шоконд орсон байдалттай, толгойн үснээс нь туг туг үс унаж байгаа гэнэ.