Ерөнхий боловсролын сургуулийн 2021-2022 оны хичээлийн жил цар тахлын улмаас гурван улиралтай байгаа. Сурагчдын зуны амралт нийслэл, орон нутагт зэрэг эхэлнэ.

Бага ангийн буюу 1-3 дугаар ангийн сурагчид зургадугаар сарын 3-нд, дунд, ахлах ангийн сурагчид зургадугаар сарын 13-нд хичээллээд амрах хуваарьтай байна.

Сурагчдын өвлийн амралтыг сунгасан тул зуны амралт ийнхүү долоо хоногоор хойшилж эхэлж байгаа юм.. Энэ хичээлийн жилд улсын хэмжээнд ерөнхий боловсролын 854 сургуульд 718,817 сурагч суралцаж байна.