Зөвшөөрөлгүй эхэлсэн барилгын ажлыг зогсоох тухай Нийслэлийн Засаг даргын А/557 дугаар захирамжаар эрх бүхий байгууллагын зөвшөөрөлгүйгээр баригдсан болон баригдаж буй барилгыг ус, дулаан, цахилгаанаар хангахгүй байхыг холбогдох газруудын удирдлагад үүрэг болгосон. Энэ дагуу барилга угсралтын ажилд ашиглаж буй машин, механизм, тоног төхөөрөмж, өргөх байгууламжийг хөдөлмөр хамгаалал, аюулгүй ажиллагааны арга технологи, шаардлага хангаж буй эсэхийг ирэх сарын 10-ны дотор шалгахыг нийслэлийн Замын цагдаа, нийслэлийн Цагдаагийн газар, МХЕГ-ын даргад үүрэг болгосон. Энэ дагуу шалгалт эхэлсэн бөгөөд шаардлага хангаж  буй техникийг нь гэрчилгээжүүлнэ. Нэгдсэн дүнг ирэх сарын дундуур мэдээлнэ хэмээлээ.