Нийслэлийн Засаг дарга, Улаанбаатар хотын захирагч Э.Бат-Үүл захирамж гаргаж, нийслэлийн Газрын албаны даргаар Ж.Батсайханыг томилжээ.
Тэрбээр АТГ-ын Хяналт шалгалт, дүн шинжилгээний хэлтсийн дарга, эрхэлсэн комиссарын албан тушаал хашиж байсан аж. Ажлаа хүлээж авсан даруйдаа  тэрээр бүх ажилчин, албан хаагчидтайгаа уулзаж, ярилцсан байна. Ямартай ч, нийслэлийн захиргааны байгууллагуудаас хамгийн их авлигад автах эрсдэлтэй гэгддэг тус газрын удирдлагаар АТГ-аас хүн авсан нь нийслэл дэх замбараагүй  газар олголтыг зогсоох зорилготой байж ч мэдэх юм.