Манай улсын нийгмийн даатгалын тогтолцоо өнөөг хүртэл харилцан адилгүй явсаар  ирсэн. Иймд шинэчлэлийн Засгийн газар  мөрийн хөтөлбөртөө нийгмийн даатгалын тогтолцоог шинэчлэхийг тусгасан. Мөрийн хөтөлбөрт 1990-2000 оны хооронд  ажиллаж байсан иргэдийн дийлэнх нь нийгмийн даатгал төлөөгүй, төлсөн ч тухайн үедээ нийгмийн даатгалд бүртгэлгүй, тэтгэвэр тогтоолгосон жил нь даатгалд ороогүй олон хүн бий. Иймд эдгээр иргэдийн  нийгмийн даатгалыг нөхөн төлүүлэх Нийгмийн даатгалын шимтгэлийн нөхөн төлөлтийн тухай хуулийг баталсан . Тус хуулийн дагуу 1990-2000 оны хооронд ажиллаж байсан иргэдийн нийгмийн даатгалыг нөхөн төлөх боломжтой болж байгаа юм. Харин төлбөрийг тухайн үеийн хөдөлмөрийн хөлсний доод хэмжээгээр тооцох аж. Энэ нь 1995-2000 оны хооронд ажиллагсад сард 9600 төгрөг жилд 78 мянган төлнө гэсэн үг юм.