ЦЕГ-аас цагдаагийн байгууллагын үйл ажиллагааны шинэчлэл, албан хаагчдын ёс зүй, харилцааны соёлыг дээшлүүлэх бодлогыг хэрэгжүүлэх ажлын хүрээнд өчигдөр иргэдийн санал, зөвлөмжийг сонсохоор “Иргэн-Цагдаагийн харилцаа, хамтын ажиллагаа” сэдвээр нээлттэй уулзалт зохион байгууллаа. Уулзалтад ЦЕГ-ын шинэхэн дарга Б.Билэгт тэргүүтэй нийслэл, дүүргийн цагдаагийн газар, хэлтсийн удирдлагууд оролцсон юм.
Уулзалтад оролцсон иргэдийн олонхи нь цагдаагийн байгууллагыг шинэчлэхэд санал нэгтэй байгаагаа илэрхийлж байв. Түүнчлэн тэд цагдаагийн байгууллага өмнө нь Ардын намд үйлчилдэг байсан. Харин одоо Ардын намд биш, ард түмний төлөө ажилладаг цагдаатай болмоор байна. Хууль дээдэлдэг, хурдан шуурхай, шударга, ил тод ажилладаг цагдаатай болохыг хүссэн иргэд олон байлаа.  
Цагдаагийн байгууллага, албан хаагчийн үйл ажиллагаа, ёс зүй, харилцааны соёлын талаархи мэдээллийн талаархи иргэдийн санал, хүсэлтийг 126 дугаар утас, sanal@police.gov.mn гэсэн мэйл хаягаар өдөр бүр авах юм байна.