Канад улсын парламентын сенатын танхимын дарга Жорж Ж.Фюригийн айчилж байна.
Айлчлалын үеэр Сенатын танхимын дарга Жорж Ж.Фюри, Улсын Их Хурлын дарга Г.Занданшатар нар хоёр орны харилцаа, хамтын ажиллагааг өргөжүүлэн хөгжүүлэх тодорхой асуудлаар албан ёсны яриа хэлэлцээ хийнэ. Мөн дагалдан яваа төлөөлөгчдийн хамт “Оюу Толгой” уурхай, малчин айлд зочлох юм.
УИХ-ын Тамгын газрын гадаад харилцааны хэлтсийн дарга Ц.Жамбалдоржийн хэвлэлд өгсөн ярилцлагаад дурдснаар Монгол Улс Канад Улстай хөгжүүлж ирсэн харилцаандаа гуравдагч хөршийн бодлогоор өндөр ач холбогдол өгч, өргөн хүрээтэй түншлэлийн харилцаагаа өргөжүүлэн хөгжүүлэхийг зорьж ирсэн. Монгол Улсад 2010-2020 онд орж ирсэн гадаадын хөрөнгө оруулалтыг улсаар нь ангилж үзэхэд Канад Улс 7.8 тэрбумын хөрөнгө оруулалт хийж, тэргүүлэгч хөрөнгө оруулагч орон болоод буй. Нийт хөрөнгө оруулалтын 28 хувийг Канадын хөрөнгө оруулалт эзэлж байна. Энэ удаагийн айлчлалаар өргөн хүрээтэй түншлэлийн харилцааг шинэ шатанд гаргах, илүү олон салбарт хамтран ажиллах боломжийг нээсэн яриа хэлэлцээ болох хүлээлттэй байгаа юм.
