Зүүн дөрвөн замын уулзвараас Жуковын музейн өмнөх аюулгүйн тойрог хүртэлх авто замын хөдөлгөөнийг хаасантай холбогдуулан есдүгээр сарын 28-ны 07:00 цаг хүртэл нийтийн тээврийн хэд хэдэн чиглэлийг өөрчилжээ. Тодруулбал, “Шархад,III, IV хороолол”, “Улиастай-МУИС-Сүхбаатарын талбай”,”Таван шар-Баянзүрхийн шалган бүртгэх товчоо”, “ОУБДС-Чулуун овоо-Жанжин клуб”, “Улаанхуаран-Тэнгис-Мах импекс” зэрэг чиглэлийн автобус сөрөг урсгалаар явах аж. Харин “Шархад-Сансар туннель-ТЭЦ3”, “Хайлааст-Сансар-Амгалан”, “Толгойт-Вокзал-Ботаник”, “Тоосгоны үйлдвэр-Сансар-Жанжин клуб” чиглэлийн автобус мөн сөрөг урсгалаар явах гэнэ. Түүнчлэн ”Монелийн 38, Офицеруудын ордон-Сансар”, “ Монелийн гудамж-МУБИС-100 айл”, “ХМК-Офицеруудын ордон”, “БММЗ-МУБИС-Улаанхуаран” чиглэлийн автобус сөрөг урсгалаар зорчих ажээ. Мөн хот орчмын Гачуурт, Хужирбулан, Налайх, Гордок, Ургах наран, Тэрэлж гэсэн зургаан чиглэлийн автобусыг сөрөг урсгалаар явах болсныг Нийслэлийн нийтийн тээврийн газраас мэдээллээ.