Улаанбаатар хотод иргэн, аж ахуйн нэгж байгууллагын зөвшөөрөлгүйгээр барьж буй  80 барилга байна хэмээн НИТХ-ын дарга Д.Баттулга мэдээлж байсан. Хүний эрүүл аюулгүй орчинд халдаж буй эдгээр барилгын ажлыг зогсоохын тулд нийслэлийн Засаг даргын А/577 дугаар захирамж, нийслэлийн МХГ-ын 02-01/1812 тоот албан бичгийн дагуу барилга угсралтын ажлын зөвшөөрөл аваагүй  иргэн, аж ахуйн нэгжийн 80 барилгыг эрчим хүчээр хангахгүй байгаа гэнэ. Өнөөдрийн байдлаар “Улаанбаатар цахилгаан түгээх сүлжээ” компанийн зүгээс харьяа Хэрэглэгчдэд үйлчлэх төвүүдээрээ дамжуулан өдөр тутам хяналт тавьж байна. Тэдгээрээс цахилгаан сүлжээнд эргэж залгагдсан зөрчил илрээгүй ч дур мэдэн залгавал хуулийн дагуу зохих арга хэмжээг авах аж.