Дэлхийн эрүүл мэндийн байгууллагын Номхон далайн баруун бүсийн хорооны 63 дугаар чуулган энэ сарын 24-ний өдөр БНСВУ-ын Ханой хотноо эхэллээ. Чуулганд тус бүсийн 37 улс орны төлөөлөгчид, НҮБ-ын Хүүхдийн сан, Хүнс, хөдөө аж ахуйн байгууллага, Хүн амын сан зэрэг олон улсын байгууллагуудын төлөөлөл оролцож байна. Манай улсаас тус чуулганд Эрүүл мэндийн яамны Нийгмийн эрүүл мэндийн бодлогын хэрэгжилтийг зохицуулах газрын дарга С.Төгсдэлгэр, Гадаад хамтын ажиллагааны хэлтсийн дарга Б.Янжмаа, Монголын Мянганы сорилтын сангийн Эрүүл мэндийн төслийн захирал А.Мөнхтайван нар оролцож байна. Чуулган энэ сарын 28-ныг дуустал үргэлжилнэ.