"Билштайн Монгол" компани 2010 оноос ХБНГУ-ын "Thyssen Krupp Bilstein Tuning GmbH" компанийн автомашины амортизатор болон пүрш, дагалдах сэлбэгийг албан ёсоор Монголын зах зээлд борлуулах эрх авч, ажиллаж байгаа билээ. Тэгвэл энэ удаа тус компани Монголын авто инженер, техникийн ажилтнуудад нээлттэй мэргэжлийн сургалт, мэдээлэл, зөвлөгөө үнэ төлбөргүй өглөө. "Континентал" зочид буудалд болсон уг сургалтыг "Билштайн" компанийн дэд захирал Волкер Вегерхоф, Азийн салбарыг хариуцсан захирал Мартин Хайер нар гардан явууллаа. Дашрамд дурдахад, дээрх сургалтад "Моннис Моторс", "Делта Моторс", "Таван богд моторс", "Автоплаза", "Автолинк", "Алтайн хүдэр" компани болон төрийн авто баазын мэргэжилтнүүд хамрагдлаа.